شہیدبینظیربھٹو یونیورسٹی نے چترال سے تعلق رکھنے والے امیدواروں کی یوایف ایم کیسز کی سماعت کو چترال کیمپس منتقل کردیا۔

چترال( نمائندہ ڈیلی چترال) کنٹرولر امتحانات شہیدبے نظیربھٹو یونیورسٹی شیرینگل دیر بالا پروفیسر ڈاکٹرمحمدعلی کے دفتر سے جاری اعلامیے کے مطابق مذکورہ یونیورسٹی نے موسم کی خرابی اور لواری ٹاپ کی بندش کے پیش نظر چترال سے تعلق رکھنے ایم اے /ایم ایس سی، بی ایڈ/بی پی ایڈ، ڈی پی ایڈ کے سالانہ امتحانات برائے 2015کے یوایف ایم کیسز سماعت کو ریشیڈول(Reschedule) کرکے مورخہ 12جنوری 2016کو چترال کیمپس میں رکھاہے۔ واضح رہے کہ اس سے پہلے ان کیسز کو سماعت 6جنوری2016کویونیورسٹی کے مین کیمپس شیرینگل میں ہونی تھی۔