52

بروز گولدہ میں مختلف پارٹیوں سے تعلق رکھنے والوں کا پی پی پی میں شمولیت

چترال(بشیرحسین آزاد)پیپلز پارٹی کے زیر اہتمام اتوار کے روز بروز گولدہ میں ایک شمولیتی تقریب منعقد ہوئی جسمیں مختلف پارٹیوں سے تعلق رکھنے والوں کئی افراد نے اپنے خاندان سمیت پاکستان پیپلز پارٹی میں شمولیت کا اعلان کیا۔اس موقع پر خطاب کرتے ہوئے رکن صوبائی اسمبلی و پی پی پی کے ضلعی صدر سلیم خان اور پاکستان پیپلز پارٹی کے جنرل سیکرٹری نے کہا کہ پاکستان پیپلز پارٹی نے ہمیشہ اپنے ورکروں کا خیال رکھا ہے اور کبھی بھی اپنے کارکنوں کو مایوس نہیں کریگی۔ پاکستان پیپلز پارٹی ایک ایسی پارٹی ہے جو عوام کو ان کے دل کی گہرائیوں کے ساتھ اپنی طرف کھینچتی ہے۔اْنہوں نے کہا کہ ہم نے عوام کے ساتھ جو جو وعدے کیے ہیں وہ پورے کرینگے ۔ انہوں نے چترال میں مکمل اور جاری اسکیموں کا ذکر کیا۔انہوں نے کہا پیپلز پارٹی کا منشور عوام کو بااختیار بنانے کی تائید کرتا ہے اْنہوں نے پارٹی میں شمولیت اختیار کرنے والوں خوش آمدید کہا اور اْن کا شکریہ ادا کیا۔شامل ہونے والوں میں محمد ظاہر خان ،عبدالودود ،رحمت اعظم،سردار ولی،شیر گل،دلاور خان اور رحمت اللہ وغیرہ شامل ہیں۔اس سے پہلے جب پارٹی رہنما بروز گولدہ پہنچے تو گاؤں کے لوگوں نے اْن کا پرتپاک استقبال کیا۔

Print Friendly, PDF & Email

اپنا تبصرہ بھیجیں