ڈسٹرکٹ یوتھ آفس چترال کے تعاون سے یونیورسٹی آف چترال کے طلباء کے لیے سی ایس ایس اور پی ایم ایس کی تیاری کےحوالے سے سمینار

چترال (ڈیلی چترال نیوز)ڈسٹرکٹ یوتھ آفیسر لوئر چترال کی مالی معاونت اورضلعی انتظامیہ کے باہمی اشتراک سے ینگ پیس اینڈڈویلپمنٹ کورکے زیراہتمام یونیورسٹی اف چترال میں طلباء کے لیے سی ایس ایس اور پی ایم ایس کی تیاری کے حوالے سے ایک روزہ سیمینار کا انعقاد کیا گیا۔ سمینار کا مقصد ان طلباء کو رہنمائی فراہم کرنا تھا جو سی ایس ایس اور پی ایم ایس کے امتحانات میں شرکت کرنے میں دلچسپی رکھتے ہیں جس کی مہمان خصوصی ڈپٹی کمشنر لوئرچترال محمدعلی تھے۔اس موقع پرخطاب کرتے ہوئےڈپٹی کمشنر لوئرچترال محمدعلی ،ڈی پی اولوئرچترال اکرام اللہ ،، اسسٹنٹ کمشنر عاطف جالب اور ایڈیشنل اسسٹنٹ کمشنر عدنان حیدر ملوکی ، نائب صدر صباحت رحیم بیگ ،جمشیداحمد،یوتھ افیس کے احسان ،طارق اوردوسروں نے کہاکہ خطاب میں طلباء کو سی۔ایس۔ایس اور پی۔ایم۔ایس امتحانات کی تیاری اور مضامین میں زیادہ نمبرز حاصل کرنے کے بارے میں بتایا۔سمینار سے خطاب کرتے ہوئے تینوں افسران نے طلباء کیساتھ اپنے زمانہ طالب علمی کے مختلف پہلووں کو شیئر کیا اور طلباء کو اپنی پڑھائی پر خصوصی توجہ دینے کی تلقین کی تاکہ طلباء آگے جاکر ملک کا ذمہ دار شہری بن سکیں۔ انہوں نے مزید کہا کہ آپ ہمارا مستقبل ہیں آپ ہی نے آگے جاکر ملک و قوم کی بھاگ دوڑ سنبھالنی ہے۔ لوئر چترال کے نوجوان انتہائی قابل ہے انھوں نے زندگی کے ہر شعبے میں اپنا نام پیدا کیا ہے۔ہر سال مقابلے کے امتحانات میں چترال سے تعلق رکھنے والے امیدوار کامیاب ہوتے ہیں۔ انہوں نے مزیدکہاکہ معاشرے کا ذمہ دار شہری بننے کیلئے آپ کو اپنی تمام تر توانائیاں پڑھائی پر مرکوز کرنی چاہیئے۔ مختلف شعبے آپ کے منتظر ہیں۔ انہوں نے سی۔ایس۔ایس اور پی۔ایم۔ایس کے حوالے سے بھی طلباء کو مفید معلومات فراہم کی۔انہوں نے کہاکہ نوجوانوں ہی نے قوم کو لیڈ کرنا ہے۔ لہذا غلط محفلوں، منشیات و دیگر غیر ضروری سرگرمیوں سے دور رہ کر ایک ذمہ دار شہری بنے۔