چترال (نمائندہ ) چترال کے نواحی گاؤں اوچشٹ میں رہائش پذیر ایک نوجوان نے پستول سے فائر کرکے اپنی زندگی کا چراغ گل کردیا جس کی فوری وجہ معلوم نہ ہوسکی۔ چترال پولیس کے ذرائع کے مطابق جمعرات کی شب 21سالہ نوجوان اسلا م الدین ولد گل راز نے اپنے گھر کے کمرے اپنے آپ پر پستول کردیا جس سے موقع پر ان کی موت واقع ہوئی۔ خودکشی کرنے والے نوجوان کا تعلق دروش کے علاقہ جنجریت کوہ سے تھا جوکہ اس وقت اوچشٹ گاؤں میں آباد تھے۔ چترال پولیس نے لاش کی پوسٹ مارٹم کے بعد ضابطہ فوجداری کے دفعہ 174کے تحت موت کی وجہ معلوم کرنے کے لئے انکوائری شروع کردی ہے۔ اس سے ایک دن قبل چترال ٹاؤن کے ژوغور کے مقام پر ایک موٹر سائیکل سوار نے رضاندہ سے تعلق رکھنے والے شخص خورشید لال کو ٹکر مار دیا جس سے وہ موقع پر جان بحق ہوگئے جبکہ متوفی کے ورثاء نےموٹر سائیکل سوار کو معاف کردیا
