چترال شہر ایک بڑی تباہی سے اس وقت بال بال بچ گئی جب بائی پاس روڈ پر واقع پٹرول پمپ میں کھڑی ایک سوزوکی گاڑی میں اچانک آگ بھڑک اٹھی

چترال (نمائندہ ) منگل کے روز چترال شہر ایک بڑی تباہی سے اس وقت بال بال بچ گئی جب بائی پاس روڈ پر واقع پٹرول پمپ میں کھڑی ایک سوزوکی گاڑی میں اچانک آگ بھڑک اٹھی اور آگ کے شعلے ہر طرف پھیلنے لگے۔ اطلاع ملتے ہی لویر چترال پولیس کے جوان موقع پر پہنچ کر آگ بجھانے کا کام شروع کردی جبکہ ریسکیو 1122کی ٹیم بھی فوری موقع پر پہنچ گئی اور مقامی رضا کار بھی اپریشن میں شامل ہوگئے جنہوں نے سرتوڑ کوششوں کے بعد آگ پر قابوپالیا۔ موقع پر موجود ڈی ایس پی ہیڈ کوارٹرز تمیز الدین نے چترال پریس کلب نیوز کو بتایاکہ آگ کے شعلے پٹرول پمپ کی مین ٹینکی کے پائپ کے بالکل قریب پہنچ گئے تھے اور چند لمحوں کے اندر اندر ٹینکی میں آگ لگنے کا خطرہ سامنے منڈ لارہا تھا۔