کالاش فیسٹول چو موز اختتام پذیر ، ڈھول کی تھاپ پر رقص اور برفباری کے پر لطف مناظر نےسیاحوں کے دورے کو خوشگواری بنادیا ، سیاحوں کی طرف سے خوشی کا اظہار

چترال (نامہ نگار ) ہندوکش کے دامن میں رہائش پذیر ہزاروں سال قدیم تہذیب کے حامل کالاش قبیلے کا اہم سرمائی تہوار چوموس گذشتہ روز اپنی تمام رنگینیوں کے ساتھ اختتام پذیر ہوا ۔ یہ تہوار ہر سال ماہ 7دسمبر کی تاریخ کو شروع ہوتا ہے ۔ اور 22دسمبر کی شام بمبوریت کے مقام برون ڈانسنگ پلیس (چھارسو) میں اختتام پذیر ہوتا ہے ۔ اس دوران چوموس کے درجنوں چھوٹے رسومات ادا کئے جاتے ہیں ۔ تاہم 22دسمبر کے روز اہم ترین رسومات انجام دیے جاتے ہیں ، حسب روایت امسال بھی اس روز کالاش وادی کے مرد و خواتین نئے ملبوسات زیب تن کئے ٹولیوں میں گھروں سے نکلے ، اور تہوار کے مخصوص گیت گاتے رقص کرتے ہوئے برون گاؤں پہنچے ۔ جہاں فیسٹول کے رقص و سرود کیلئے مخصوص مقام قدیم زمانے سے موجود ہے ۔ قبل ازین مذہبی پیشوا کے حکم پر بتریک کے مقام پر لومڑی کی تلاش شروع کی گئی ۔ جو کہ کامیاب رہی ۔ اور کالاش مذہبی شخصیات نے آنے والے سال کو نیک شگون قرار دیا ۔

برون میں فیسٹول شام گئے تک جاری رہا ۔ اس دوران دن کو وقفے وقفے سے بارش اور ہلکی برفباری بھی ہوتی رہی ۔ جس نے تہوار کے حسن کو دوبالا کر دیا ۔ کالاش فیسٹول چوموس دیکھنے کیلئے پاکستان کے مختلف علاقوں اور یونیورسٹیوں سےلڑکے لڑکیاں بڑی تعداد میں بطور سیاح وادی بمبوریت میں پہنچ چکے تھے ۔ برفباری کے دوران چوموس فیسٹول ان کے لئے دوہرے لطف کا ذریعہ ثابت ہوا ۔

چوموس فیسٹول کے دوران سیاحوں کو سہولت فراہم کرنے کیلئے کالاش ویلیز ڈویلپمنٹ پروگرام کی طرف سے مختلف انتظامات کئے گئے تھے ۔ وادی کے تمام ہوٹلوں میں بڑی تعداد میں سیاح قیام پذیر تھے ۔

سیاحوں نے کالاش خواتین کے رقص میں انتہائی دلچسپی لی ۔ اور گل مل کر رقص کیا ۔ جبکہ کئی پاکستانی اور غیر ملکی سیاح کالاش خواتین کے لباس زیب تن کئے رقص کا مظاہرہ کیا ۔ جبکہ بار بار فیسٹول انتظامیہ کی تنبیہ کے باوجود بعض سیاح مخصوص مقام پر کالاش خواتین سے بڑھ کر رقص کر رہی تھیں