پشاور(نامہ نگار)حکومت خیبرپختونخوا نے صوبہ بھرکی تحصیل میونسپل انتظامیہ کے افسران کو مون سون کے دوران ہنگامی صورتحال سے نمٹنے کے لئے قبل ازوقت تیار رہنے کی ہدایت کی ہے اور خبردار کیا ہے کہ حالات کابروقت مقابلہ کرنے کے سلسلے میں اپنے تمام وسائل کو تیار رکھیں۔اس سلسلے میں تمام ٹی ایم ایز کو سرکاری مراسلے کے ذریعے کہاگیا ہے کہ وہ اپنے اپنے متعلقہ دفاتر میں موجود رہیں اورضلعی انتظامیہ اوردیگرمتعلقہ اداروں کے ساتھ مسلسل اور قریبی روابط رکھیں تاکہ ممکنہ مشکل صورتحال سے احسن طورپرنمٹاجاسکے۔