Breaking News

ویلج کونسل سیکرٹریوں کی تقرری بے قاعدگیوں کا انکشاف؛ چترال سمیت پانچ اضلاع میں قائم کمیٹیوں کے خلاف کاروائی کی سفارش

چترال(نیوز ڈیسک)صوبائی انسپکشن ٹیم نے صوبے کے پانچ اضلا ع میں ویلج کونسلوں کے سیکرٹریوں کی بھرتیوں میں وسیع پیمانے پر ہونے والے بے قاعدگیوں کوبے نقاب کرتے ہوئے وزیر اعلیٰ خیبر پختونخوا کو انکوائری رپورٹ پیش کر دی ہے جسمیں میرٹ اور رولز کے خلاف ویلج کونسلوں کے سیکرٹریوں کی بھرتی کرنے پر ڈپٹی کمشنروں کی سربراہی میں قائم کمیٹیوں کے خلاف کاروائی کی سفارش کی گئی ہے۔ میڈیا رپورٹ کے مطابق ذرائع نے بتایا ہے کہ وزیر اعلیٰ خیبر پختونخوا پرویز خٹک کی ہدایت پر صوبائی انسپکشن ٹیم نے صوبے کے پانچ اضلاع چترال، ایبٹ آباد، ہری پور، تورغراور بونیر میں ویلج کونسل سیکرٹریوں کی بھرتی میں ہونے والے مبینہ بے ضاقاعدگیوں کے بارے میں تحقیقاتمکمل کر کے انکوائری رپورٹ وزیر اعلیٰ کو پیش کر دی ہے۔ذرائع کے مطابق انکوائری رپورٹ میں ویلج کونسل سیکرٹریوں کی بھرتی میں بے قاعدگیوں کی نشاندہی کی گئی ہے اور انہیں میرٹ اور رولز کے خلاف قرار دیا گیا ہے۔رپورٹ میں این ٹی ایس سسٹم کو بھی غیر تسلی بخش قراردیا گیا ہے۔ ذرائع کے مطابق صوبائی انسپکشن ٹیم نے اپنی انکوائری رپورٹ میں پانچ اضلاع کے ڈپٹی کمشنروں کی سربراہی میں قائم کمیٹیوں کے خلاف بھی کاروائی کرنے کی سفارش کی ہے۔ذرائع کا کہنا ہے کہ وزیراعلیٰ نے گزشتہ روز انکوائری رپورٹ کی منظوری دی ہے۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

سابق ایم پی اے سیدسردارحسین شاہ بریپ کے مقام پرگاڑی کے حادثے میں جان بحق اورزخمی ہونے والے افرادکے لواحقین کے ساتھ ہمددری اورانسانی جانوں کے ضیاع پرانتہائی دکھ اورافسوس کااظہار

چترال(ڈیلی چترال نیوز)سابق ممبرصوبائی اسمبلی اپرچترال سیدسردارحسین شاہ نے پلموٹھینگ بریپ کے مقام پرٹیوٹالینڈکروزرگاڑی   کے …

Leave a Reply

Your email address will not be published. Required fields are marked *