Breaking News

دروش،متاثرین زلزلہ کا احتجاجی دھرناپانچواں روز بھی جاری،نتظامیہ اور صوبائی حکومت کے حکام بالاکے خلاف شدید نعرے بازی

دروش( نمائندہ ڈیلی چترال )دروش بازارمیں گزشتہ پانچ دنوں سے متاثرین زلزلہ کا احتجاجی کیمپ جاری ہے ۔احتجاجی کیمپ میں مختلف دیہات سے کثیرتعدادمیں سرکاری امدادی چیکوں سے محرو م متا ثرین زلزلہ نے تقریر کی ،انتظامیہ اور صوبائی حکومت کے حکام بالاکے خلاف شدید نعرے بازی کی اور کہا کہ وزیراعظم میاں محمدنوازشریف نے اپنے دورہ چترال کے موقع پر متاثرین کی آبادکاری کیلئے سرکاری معاوضے کا اعلان اور بعدمیں فنڈزبھی فراہم کیا لیکن انتظامیہ پہلے سروے میں اوراب چیکوں کی ادائیگی میں تاخیری حربے استعمال کرکے عوام کو پریشان کررہے ہیں ۔ سروے میں اصل حقداروں کویکسرنظراندازکرکے غیرمستحقین کو امدادی چیکوں سے نوازاگیاہے ۔بعض کے نام سرکاری سروے لسٹ میں موجودہونے کے باوجود آخری وقت میں امدادی چیکوں سے محروم رکھاگیا۔اس کے علاوہ امدادی سامان سرکاری اور غیرسرکاری میں بھی اقرباء پروری اورسفارش کلچرکوفروغ دیاگیا۔مقررین جن میں حسن محمد، سابق ناظم عبدالباری،حاجی شفاء،قاری نظام الدین ،ممبر ڈسرکٹ کونسل انعام الحق ،شیراعظم اور صلاح الدین طوفان نے کہاکہ ہم اس ظلم اور زیادتی کیخلاف آوازاٹھاتے رہینگے۔۔درین اثنا ممبر صوبائی اسمبلی سلیم خان دروش کے دروے کے موقع پرزلزلہ متاثرین کے ساتھ دھرنے میں شرک ہوئے اور مظاہرین سے خطاب کرتے ہوئے کہا کہ حکومت جلد از جلد امدادی چیک سے محروم زلزلہ متاثرین کے داد رسی کرے ورنہ متاثرین کے ہمراہ احتجاج کا راستہ اپنایا جائیگا۔مظاہرین نے سلیم خان کے اقدام کو سراہتے ہوئے ان کا شکریہ ادا کرتے ہوئے ان کی قیادت میں اپنے حقوق کی حصول کیلئے جدو جہد اور آواز اُٹھانے کااظہار کیا۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

سابق ایم پی اے سیدسردارحسین شاہ بریپ کے مقام پرگاڑی کے حادثے میں جان بحق اورزخمی ہونے والے افرادکے لواحقین کے ساتھ ہمددری اورانسانی جانوں کے ضیاع پرانتہائی دکھ اورافسوس کااظہار

چترال(ڈیلی چترال نیوز)سابق ممبرصوبائی اسمبلی اپرچترال سیدسردارحسین شاہ نے پلموٹھینگ بریپ کے مقام پرٹیوٹالینڈکروزرگاڑی   کے …

Leave a Reply

Your email address will not be published. Required fields are marked *