Breaking News

پاکستان اقتصادی ترقی کی راہ پر گامزن ہے، وزیراعظم نوازشریف

اسلام آباد:وزیراعظم نواز شریف نے کہا ہے کہ توانائی اور بنیادی ڈھانچے میں سرمایہ کاری سے پاکستان اقتصادی ترقی کی راہ پر گامزن ہے‘ سرکاری شعبے میں شفافیت سے بھی معیشت پر مثبت اثرات مرتب ہوئے‘ سیاسی استحکام اور سلامتی صورتحال میں بہتری سے شرح نمو پر مثبت اثرات مرتب ہونگے۔ بدھ کو وزیراعظم نواز شریف سے وزیر خزانہ سینیٹر اسحاق ڈار نے ملاقات کی۔ ملاقات کے دوران گفتگو کرتے ہوئے وزیراعظم نے کہا کہ سیاسی استحکام اور سلامتی کی صورتحال میں بہتری سے شرح نمو پر مثبت اثرات مرتب ہونگے توانائی اور بنیادی ڈھانچے میں سرمایہ کاری سے پاکستان اقتصادی ترقی کی راہ پر گامزن ہے۔سرکاری شعبے میں شفافیت سے بھی معیشت پر مثبت اثرات مرتب ہوئے۔ حکومت پاکستان کو معاشی بحران سے نکالنے کے لئے ترجیحی بنیادوں پر کام کررہی ہے۔اس موقع پر وزیرخزانہ اسحاق ڈار نے کہا کہ پاکستان میں زرمبادلہ کے ذخائر 21ارب ڈالر کی ریکارڈ سطح تک پہنچ گئے ہیں 21میں سے 16 ارب سٹیٹ بنک کے پاس جبکہ پانچ ارب ڈالرکمرشل بنکوں کے پاس ہیں ایک سال میں زرمبادلہ کے ذخائر میں سٹیٹ بنک کا حصہ بڑھا ہے سٹیٹ بنک کا حصہ تین سے بڑھ کر سولہ ارب ڈالر تک آگیا ہے۔وزیراعظم نواز شریف نے وزیر خزانہ اسحاق ڈار کی قیادت میں اقتصادی ٹیم کو سراہا۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *