Breaking News

چترال میں گذشتہ رات سے بارش اور برفباری کا سلسلہ جاری ،لواری ٹاپ اوربالائی علاقوں میں برف باری

چترال (نمائندہ ڈیلی چترال)چترال میں گذشتہ رات سے بارش اور برفباری کا سلسلہ جاری ہے ۔لواری ٹاپ ، گرم چشمہ ، کالاش ویلیز ، مستوج ، بونی تورکہو وغیرہ مقامات میں پانچ انیچ سے ایک فٹ تک برفباری ہوئی ہے ۔ برفباری کی وجہ سے لواری ٹاپ کا راستہ مکمل طور پر بند ہو گیا ہے ۔ اور مسافروں کو شدید مشکلات کا سامنا ہے ۔ بارش اور برفباری سے سردی کی شدت میں اضافہ ہوا ہے ۔ جبکہ مارکیٹ میں جلانے کی لکڑی دستیاب نہیں ۔ اور سلنڈر گیسوں و کوئلے کی قیمت میں غیر معمولی اضافہ ہوا ہے۔ کیونکہ لواری ٹاپ کی خراب سڑک کے باعث سامان کے کرایے بڑھا دیے گئے ہیں ۔ لوگ سردی سے بچنے کیلئے سوختنی لکڑی کی قلت کے پیش نظر کاغذ اور گتے جلا کر خود کو گرم رکھنے کی کوشش کر رہے ہیں ۔ بادلوں نے پورے چترال کو اپنی لپیٹ میں لے لیا ہے ۔ سردی اور بارش کی وجہ سے سیلاب اور زلزلے سے بے گھر ہونے والے افراد کی مشکلات میں مزید اضافہ ہوا ہے ۔اور وہ اب بھی خیموں میں رہنے پر مجبور ہیں ۔ بارش اور برفاری سے دفاتر میں حاضری بھی بہت کم رہی ۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *