کاؤنٹر ٹررزم ڈیپارٹمنٹ نے چترال میں دو دہشت گردوں کو دھماکا خیز مواد سمیت رنگے ہاتھوں گرفتار کرکے دہشت گردی کے بڑے منصوبےناکام
ایڈیٹر انچیف
چترال ( محکم الدین محکم) کاؤنٹر ٹررزم ڈیپارٹمنٹ نے چترال میں دو دہشت گردوں کو دھماکا خیز مواد سمیت رنگے ہاتھوں گرفتار کرکے دہشت گردی کے بڑے منصوبے کو ناکام بنا دیا ۔ گرفتار دہشت گردوں کو راتوں رات ضلع سے باہر نامعلوم مقام پر منتقل کیا گیا ہے ۔سی ٹی ڈی ذرائع کے مطابق ملزمان یاسر خان ولد شاہجہان ساکن افغانستان حال مقیم قربان گڑھی اور غلام ولد حاصل خان یکہ توت پشاور ڈوک درہ سوات سے بھاری مقدار میں دھماکا خیز مواد لے کر چترال کیلئے روانہ ہوئے اور لواری ٹاپ کے راستے برف پر چل کر دروش کے مقام بیوڑی وادی میں داخل ہو کر وہاں ایک مکان میں قیام کیا ۔ اس پر مخبر نے سی ٹی ڈی کو بروقت اطلاع فراہم کی ۔ جس پر رات کے اندھیرے میں کاروائی کرتے ہوئے دونوں دہشت گردوں کو دھماکا خیز مواد سمیت رنگھے ہاتھو ں گرفتار کر لیا ۔ اور فوری طور پر ضلع سے باہر نامعلوم مقام منتقل کر دیا ۔چترال سی ٹی ڈی ذرائع کے مطابق دہشت گرد چترال میں دہشت گردی کی بہت بڑی کاروائی کی منصوبہ بندی کر رہے تھے ۔ لیکن بروقت کاروائی کی وجہ سے وہ اپنے مشن میں نا کام ہو گئے ۔
To provide the best experiences, we use technologies like cookies to store and/or access device information. Consenting to these technologies will allow us to process data such as browsing behavior or unique IDs on this site. Not consenting or withdrawing consent, may adversely affect certain features and functions.