یونیورسٹی آف چترال کےلیے سینیٹر فلک ناز چترالی کی کاوشیں رنگ لے آئیں اور ہائیر ایجوکیشن کمیشن پاکستان نے 10 ملین روپے جاری کر دیے۔

سینیٹر فلک ناز چترالی جو سینٹ کی قائمہ کمیٹی برائے تعلیم و پیشہ وارانہ تربیت کے کمیٹی کے رکن بھی ہیں۔ یونیورسٹی کے جملہ مسائل کو کمیٹی کے گذشتہ اجلاس کے ایجنڈے میں شامل کیا تھا۔ اور کمیٹی نے یونیورسٹی آف چترال کے وائس چانسلر کو مذکورہ اجلاس میں مدعو کیا تھا۔ اور وائس چانسلر نے یونیورسٹی آف چترال کے جملہ مسائل خصوصاً مالی بحران اور طلباء و طالبات کے لئے وظائف کے اجراء کا مسئلہ اٹھایا۔ کمیٹی نے چیر مین ہائیر ایجوکیشن کمیشن آف پاکستان کو وائس چانسلر یونیورسٹی آف چترال سے ملکر مذکورہ مسائل کو حل کرنے کی ہدایات دی تھی اسی سلسلے کی کڑی کے طور پر HEC نے یونیورسٹی آف چترال کے لئے 10 ملین روپے کا گرانٹ جاری کیا ہے۔

یونیورسٹی آف چترال کی انتظامیہ اس حوالے سے مثبت کردار ادا کرنے پر سینیٹر فلک ناز صاحبہ، قائمہ کمیٹی کے ارکان اورچیرمین ہائیر ایجوکیشن کمیشن کا شکر گزار ہے اور سینیڑ صاحبہ سے امید رکھتے ہیں کہ وہ ائندہ بھی یونیورسٹی آف چترال کے مسائل کو حل کرنے کے لئے تمام متعلقہ فورم میں بھر پور اواز اٹھاتے رہیں گے۔