علماء کرام اور خطباء مساجد24مئی جمعتہ المبارک کو سود کے بارے میں احکامات کو اپنی تقاریر کا موضوع بنائیں۔ایم این اے چترال

سود(رِباء)کے خلاف علماء کرام اور خطبا ء مساجد بھرپور انداز میں آواز بلند کریں،قرآن وسنت سے سود/رِباء سے متعلق احکامات کو عوام لناس تک پہنچا کران کو آگاہی اور شعور دیں کہ سودی کاروبار اللہ اور رسولﷺ سے بغاوت ہی نہیں بلکہ اللہ اور رسولﷺ کے خلاف میدان جنگ میں اُترنا ہے۔علماء کرام اور خطباء مساجد24مئی جمعتہ المبارک کو سود کے بارے میں احکامات کو اپنی تقاریر کا موضوع بنائیں اور تمام مساجد میں قرارداد کے ذریعے موجودہ حکومت سے مطالبہ کریں کہ وہ قومی اسمبلی میں پیش کردہ امتناع سود بل کو بلا تاخیر پاس کرائے اور اس کی راہ میں حائل تمام روکاٹوں کو دور کرئے ان خیالات کا اظہار ممبر قومی اسمبلی اور امتناع رِباء بل کے محرک مولانا عبدالاکبر چترال نے المرکز الاسلامی پشاور سے جاری کردہ ایک اخباری بیان میں کیا ہے۔