چترال (نامہ نگار)گزشتہ روز کمانڈنٹ چترال سکاؤٹس کرنل معین الدین نے اپر چترال کے دور افتادہ گاؤں شاگروم اور تریچ ویلی کا دورہ کیا دورے میں کمانڈنٹ نے گورنمنٹ پرائمری سکول شاگروم میں بحیثیت مہمان خصوصی شرکت کی. سکول کے پرنسپل، اساتذہ، علاقے کے عمائدین اور مختلف سکولوں کے بچوں نے کمانڈنٹ کا پرتباک استقبال کیا. بعدازاں مختلف سکولوں کے بچوں کے درمیان ملی نغمے، نعت خوانی، تقاریر اور بیت بازی کا شاندار مقابلہ ہوا جس میں نمایاں پوزیشن حاصل کرنے والے طلباء وطالبات میں انعامات تقسیم کیے اور سکول کے لئے بنائے گئے کمروں کا بھی افتتاح کیا۔کمانڈنٹ نے اپنے خطاب میں کہا کہ چترال کے لوگ نہایت تعلیم یافتہ بااخلاق اور ذہین ھیں۔ حالانکہ چترال ایک پسماندہ علاقہ ہونے کے باوجود چترال کے بچے تعلیم کے جزبے سے سرشار ھیں. اور ان میں ٹیلنٹ ہے کمانڈنٹ 
نے مختلف سکولوں سے آ ہوئے بچوں کی حوصلہ افزائی کی اور مزید محنت اور لگن سے پڑھائی کی ھدایت کی۔بعدازاں کمانڈنٹ نے علاقے کے بزرگوں, بچوں اور غریب افراد میں گرم سویٹر، گرم کپڑے،کوٹ اور سکول کے بچوں میں اسٹیشنری کے سامان اور مٹھائیاں وغیرہ تقسیم کیے اور سکول کے ہر قسم کے مسائل کو مکمل طور پر حل کرنے کی یقین دہانی کرائی اور کہا کہ چترال سکاؤٹس میں جب بھی بھرتی ہو جائے تو پسماندہ علاقے کے لوگوں کو ترجیح دی جائے گی۔کمانڈنٹ کی اس کاوش سے سکول کے پرنسپل, اساتذہ, بچے اور عمائدین نے کمانڈنٹ پاک ارمی اور چترال سکاؤٹس کا شکریہ ادا کیا اور پاک ارمی, چترال سکاؤٹس زندہ باد پاکستان پائندہ باد کے نعرے لگائے.
