Breaking News

تمام زلزلہ زدگان کومعاوضے کی رقم لازمی اداکی جائے گی ۔عنایت اللہ

پشاور(نمائندہ ڈیلی چترال )خیبرپختونخوا کے سینئر وزیر برائے بلدیات و دیہی ترقی اور جماعت اسلامی کے پارلیمانی لیڈر عنایت اللہ خان نے زلزلہ زدگان کو یقین دلایا ہے کہ جن متاثرین کے مکانات زلزلے میں مکمل تباہ ہوئے یا انہیں جزوی نقصان پہنچا ہے ان تمام کو معاوضے کی رقم لازمی صورت میں ادا کی جائے گی جس کیلئے فنڈز کا بندوبست کر دیا گیا ہے انہوں نے زلزلہ کے فوری بعد متاثرہ علاقوں میں صوبائی اور وفاقی حکومتوں کے شانہ بشانہ بروقت امدادی کاروائیاں شروع کرنے پر پاک فوج کو زبردست الفاظ میں خراج تحسین پیش کیا جس نے قدرتی آفت کے اس نازک موقع پر ثابت کیا ہے کہ ملکی سرحدوں کے ساتھ ساتھ ہماری فوج عوام کے دکھ درد بانٹنا بھی جانتی ہے وہ دیر بالا کے دور افتادہ دیہات براول بانڈہ، بانڈئی سرپ تنرئی میں متاثرین کو معاوضہ دینے کی تقریب سے خطاب کر رہے تھے اس موقع پر سینئر وزیر نے سولہ متاثرین میں دو دو لاکھ روپے کے چیک تقسیم کئے جنکے مکانات مکمل طور پر تباہ ہو گئے تھے تحصیل ناظم دیر بالا جان عالم خان اور نائب ناظم حیات الحق کے علاوہ دیگر عمائدین علاقہ بھی انکے ہمراہ تھے عنایت اللہ نے واضح کیا کہ صوبائی حکومت نہ صرف تمام متاثرین کو معاوضے کی ادائیگی یقینی بنائے گی بلکہ ہماری یہ بھی کوشش ہو گی کہ متاثرین کی زیادہ سے زیادہ مالی مدد ہو انہوں نے کہا کہ ہماری فوج اور وفاقی، صوبائی اور مقامی حکومتوں نے تاریخ میں پہلی بار زلزلہ کی قدرتی آفت آنے پر متاثرین کی سرعت کے ساتھ مدد کی اورہم ریسکیو کے پورے عمل میں عوام کے ساتھ ساتھ رہے انہوں نے متاثرین کے مسائل اجاگر کرنے پر میڈیا کا بھی شکریہ ادا کیا اور انکشاف کیا کہ زلزلہ زدگان کی تکالیف سے عالمی سطح پراگاہی کے باعث بین الاقوامی برادری نے بھی ہماری مدد کیلئے رابطے شروع کئے ہیں تاہم سینئر وزیر نے واضح کیا کہ چاہے باہر سے کوئی ہماری مدد کرے نہ کرے مگر ہم اس وقت تک سکھ کا سانس نہیں لیں گے جب تک تمام متاثرین مکمل طور پر بحال نہ ہوں گے۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *