Breaking News

کریم آباد کے زلزلہ زدگان کی شکایات کا مکمل ازالہ نہ کیا گیا ،حلقے منتخب بلدیاتی نمائندگان استعفیٰ دینے پر مجبور ہوں گے،پریس کانفرنس

چترال (نمائندہ ڈیلی چترال) کریم آباد سے ضلع کونسل چترال کے ممبر محمد یعقوب خان نے حکومت کو تنبیہ کرتے ہوئے کہا ہے کہ نقصانات کے معاوضے کی ادائیگی کے سلسلے میں کریم آباد کے زلزلہ زدگان کی شکایات کا مکمل ازالہ نہ کیا گیا تو وہ اپنے حلقے کے دوسرے منتخب بلدیاتی نمائندگان سمیت استعفیٰ دینے پر مجبور ہوں گے جس کی تمام تر ذمہ داری حکومت پر عائد ہوگی۔ اتوار کے روز چترال پریس کلب میں تحصیل کونسل کے رکن محمد علی شاہ، ویلج کونسل کھوت کے ناظم علی مراد شاہ، سوسوم کے ناظم شیر گلاب، ہرت کے ناظم زیر بلی خان، برشگرام کے کسان کو نسلر جماعت بائے اور یوتھ کونسلر عنایت علی شاہ کی معیت میں ایک پریس کانفرنس سے خطاب کرتے ہوئے انہوں نے وزیر اعظم ، وزیر اعلیٰ اور ڈی سی چترال سے اپیل کی ہے کہ کریم آباد میں نقصانات کا صحیح تخمینہ لگانے کے لئے ازسرنو سروے ٹیم بھیجا جائے کیونکہ علاقے کے عوام پہلے کئے گئے سروے کو ناقص قرار دیتے ہوئے مسترد کرتے ہیں جس میں متاثرین کی اکثریت کا نام شامل نہیں ہے۔ انہوں نے یہ بھی مطالبہ کیا ہے کہ جن لوگوں کے ناموں کو متاثرین کے فہرست سے نکالے گئے ہیں، ان کو دوبارہ شامل کیا جائے اور ناقص سروے کرنے والوں سے بازپرس کیا جائے۔ انہوں نے یہ مطالبہ بھی کیا ہے کہ ازسر نو سروے ٹیم ان اہلکاروں کو ہرگز شامل نہ کئے جائیں جوکہ اس سے پہلے شا مل تھے۔ کریم آباد کے بلدیاتی نمائندوں نے کہا کہ کریم آباد ایک انتہائی پسماندہ علاقہ ہے جوکہ بنیادی سہولیات سے یکسر محروم ہے جبکہ اس سال ماہ جولائی کے طوفانی بارشوں اور سیلاب سے کریم آباد میں سڑکیں، پل، نہریں، ابنوشی کے منصوبے تباہ ہوگئے تھے لیکن حکومت نے اب تک کوئی توجہ نہیں دی اور نہ حکومت کی جانب سے متاثرین کو کوئی امداد مل گئی۔ انہوں نے کہاکہ حالیہ زلزلے میں بھی کریم آباد کی وادی میں وسیع پیمانے پر تباہی وبربادی ہوئی ہے اور نقصانات کا سروے کرنے والی ٹیموں نے بے قاعدگی کا ارتکاب کرکے ان کی زخموں پر نمک پاشی کی ہے ۔

DSC00096

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *