Breaking News

امدادی رقوم کی تقسیم میں وسیع پیمانے پر خردبرد ہوئی ہے۔ارشاد مکررؔ

چترال(بشرحسین آزاد) رہنما پاکستان تحریک انصاف ارشاد مکرر نے ایک اخباری بیان میں کہا ہے کہ امداد کی تقسیم میں اقربا پروری سے کام لیا گیاہے اور رشوت ،سفارش ،دھونس اور چور بازاری کی انتہا کردی گئی ہے۔ رشتہ داروں کے نام پر جعلی چیک بنوائے گئے۔ کونسلرز صاحبان ،ناظمین اور پٹواری حضرات کے رشتہ داروں اور ان کے منظور لنظر افراد کی لاٹری نکل آئی ہے جبکہ اصل متاثرین اب بھی بے یار و مددگار پڑے ہوئے ہیں۔ ان کو ابھی تک کسی نے ایک پائی بھی نہیں دی ہے۔ ہر طرف جس کی لاٹھی اس کی بھینس کا اصول چل رہا ہے۔ لہذا وزیر اعظم پاکستان اور دیگر وفاقی تفتیشی اداروں کو اس بات کا فوری نوٹس لیکر کاراوائی کا آغاز کرنا چاہئے اور باقی ماندہ متاثرین کی بحالی اور امداد کا فوری بندوبست کرنا چاہئے تاکہ ان کی معمولات زندگی بحال ہوں اور وزیر اعظم کے اعلان کردہ رقوم فوج کی نگرانی میں مرتب شدہ فہرستوں کے مطابق تقسیم کئے جائیں۔اُنہوں نے کہا کہ اول الذکر فہرست میں جن لوگوں کو امداد کا حقدار ٹھہرایا گیا تھا، ان میں بہت سے ناموں پر لکیر کھینچ دی گئی ہے جس کے ذمہ داروں کا کچھ پتہ نہیں ہے۔ اس ہیرا پھیر ی یارد وبدل کے ذمہ دار عناصر کا تعین ہونا چاہئے اور ان کو قرار واقعی سز ا ملنی چاہئے۔ چاہے وہ کوئی پٹواری ہو ، عوامی نمائندہ یا کوئی انتظامی افیسر۔ جو بھی اس بددیانتی کا مرتکب نکلا اس کو قانون کے کٹہرے میں لایا جائے تاکہ کسی کے ساتھ نا انصافی نہ ہو۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

گلگت چترال روڑ حکومت پاکستان کی جانب سے گلگت بلتستان بالخصوص ضلع غذر کے عوام کے لئے تحفہ ہے،اگر فنڈز کی فراہمی یقینی ہو تو یہ شاہراہ 18 ماہ تک مکمل ہوسکتی ہے چیف سیکرٹری گلگت بلتستان

غذر (نامہ نگار)چیف سیکرٹری گلگت بلتستان ابرار احمد مرزا نے غذر پریس کلب کے ممبران …

Leave a Reply

Your email address will not be published. Required fields are marked *