Breaking News

ڈپٹی کمشنر چترال اسامہ احمد وڑائچ نے بلیئن ٹریز سونامی مہم کا افتتاح کیا

دروش(نامہ نگار)ڈپٹی کمشنر چترال اسامہ احمد وڑائچ نے محکمہ جنگلات خیبرپختونخوا کیطرف سے شروع کردہ ایک ارب درخت لگانے کی مہم(بلئین ٹریز سونامی)منصوبے کے تحت شجر کاری مہم کا افتتاح کیا۔ تفصیلات کے مطابق صوبے میں جنگلات کی تعداد میں اضافے، ماحولیاتی آلودگی کے خاتمے اور صوبے کو سرسبز وشاداب بنانے کے بڑے منصوبے خیبر پختونخوا ’’ بلئین ٹریز سونامی‘‘ کے فیز ٹو کا چترال میں باقاعدہ افتتاح کیا گیا ۔ افتتاحی تقریب دروش فارسٹ سب ڈویژن ساؤتھ سرکل میں کلکٹک کے مقام پر ہوئی جہاں پر ڈپٹی کمشنر چترال اسامہ احمد وڑائچ نے اس مہم کا افتتاح کیا۔ ڈپٹی کمشنر نے اس منصوبے کو صوبہ سرحد کو سرسبز و شاداب اور خوبصورت بنانے کا ایک عظیم منصوبہ قرار دیتے ہوئے کہا کہ اس منصوبے سے ماحولیاتی مسائل پر قابو پایا جائیگا۔ انہوں نے مہم کی کامیابی پر زور دیا۔ اس موقع پر بتایا گیا کہ اس منصوبے کے تحت ضلع چترال میں گزشہ سال176ہیکٹر رقبے پر پودے لگائے گئے ہیں جبکہ اس سال تین ہزار ہیکٹر زرقبے پر پودے لگانے کاکی منصوبہ بندی کی گئی ہے جسکے لئے محکمہ جنگلات اور عوامی اشتراک سے نرسریاں قائم کی جائیں گی جہاں بیس لاکھ پودے لگائے جائیں گے۔ ڈسٹرکٹ فارسٹ آفیسر چترال سلیم مروت نے میڈیا سے گفتگو کرتے ہوئے کہا کہ اس منصوبے سے نہ صرف جنگلات کی کمی پر قابو پایا جاسکے گا بلکہ ماحولیاتی اثرات سے بھی صوبے اور خاص کر ضلع چترال کو بچانا ممکن ہوگا اور جنگلاتی رقبے میں دو فیصد اضافہ ہوگا۔ اس سے گرین جابس کے مواقع حاصل جائیں گی جس سے خواتین، بزرگ شہری اور نوجوان مستفید ہونگے۔ بلئین ٹریز سونامی منصوبے کے تحت ایک سے بیس ہیکٹررقبہ رکھنے والے زمینداروں کو چھ ہزار تک میوہ دار اور جنگلی پودے فراہم کرنے کے ساتھ ساتھ مالی اعانت بھی کی جائے گی۔

About ایڈیٹر انچیف

سید نذیر حسین شاہ چترال ایک جانے مانے صحافی ہیں اور گذشتہ کئی سالوں سے مختلف اخباروں اور ٹی وی چینلز کے ساتھ بطور رپورٹر منسلک ہیں انہوں نے ابلاع عامہ میں ڈپلوما حاصل کی ہوئی ہے اور ان کے اخبار ڈیلی چترال کو یہ اعزاز حاصل ہے کہ چترال سے شائع ہونے والا یہ دوسرا اخبار ہے جس کو حکومتی سطح پر سرپرستی حاصل ہے۔

Check Also

سابق ایم پی اے سیدسردارحسین شاہ بریپ کے مقام پرگاڑی کے حادثے میں جان بحق اورزخمی ہونے والے افرادکے لواحقین کے ساتھ ہمددری اورانسانی جانوں کے ضیاع پرانتہائی دکھ اورافسوس کااظہار

چترال(ڈیلی چترال نیوز)سابق ممبرصوبائی اسمبلی اپرچترال سیدسردارحسین شاہ نے پلموٹھینگ بریپ کے مقام پرٹیوٹالینڈکروزرگاڑی   کے …

Leave a Reply

Your email address will not be published. Required fields are marked *