گزشتہ دو دنوں کے دوران اپر چترال کے ریشن میں شہ دیر کے مقام پر چڑہائی چڑھتی ہوئی گاڑی کو حادثہ پیش آیا

چترال (نمائندہ آ) گزشتہ دو دنوں کے دوران اپر چترال کے ریشن میں شہ دیر کے مقام پر چڑہائی چڑھتی ہوئی گاڑی کو حادثہ پیش آیا جو سڑک پر الٹ گئی اور خوش قسمتی سے کوئی جانی نقصان نہیں ہوا جبکہ گاڑی پر اشیائے خوردونوش لوڈ کئے ہوئے تھے۔ شہ دیر کے مقا م پرسڑک دریا بردگی کی وجہ سے اس مقام پر چترال بونی روڈ ایک ہفتے تک ہر قسم کی ٹریفک کے لئے بند رہا اور شدید عوامی مطالبے پر این ایچ اے نے متبادل روڈ بنادی جس میں طویل چڑہائی آتی ہے اور سڑک کی تنگی کی وجہ سے لوڈڈ گاڑیاں بہت ہی مشکل سے گزرتی ہیں۔ عوامی حلقوں نے اس متبادل روڈ کو سیمنٹ کنکریٹ یعنی پی سی سی کرنے کا مطالبہ کیا ہے تاکہ مزید حادثات سے بچا جاسکے۔