حکومت نے صوبے کی پولیس کو ایک مثالی فورس بنانے اور شہداء کے خاندانوں کی فلاح و بہبود کیلئے عملی اقدامات اُٹھائے ہیں،ڈی آئی جی

Related Articles

مستقبل کو قدرتی آفات سے محفوظ نہیں بناسکتے ہیں اور کرہ ارض کی بقا ہی بڑے پیمانے پر پودے لگانے پر منحصر ہے ڈپٹی کمشنر لویر چترال محسن اقبال

2 hours ago

اسلام آباد میں دھرنا میں شرکت کے لئے جماعت اسلامی لویر چترال کا قافلہ مولانا جمشید احمد کی قیادت میں چترال شہر سے روان

4 hours ago

ایپکس کمیٹی کی نشست کا بنیادی مقصد حکومت خیبرپختونخوا اور دیگر اداروں بشمول پاک فوج اور پولیس کی دہشتگردی کے خاتمے اور صوبے میں امن قائم کرنے کی مشترکہ کوششوں کا احاطہ کرنا

16 hours ago

پشاور(نمائندہ ڈیلی چترال)صوبہ خیبر پختونخوا کے وزیر آبپاشی محمود خان نے پولیس فورس کے شہداء کو خراج عقیدت پیش کرتے ہوئے کہا ہے کہ پولیس کے جوانوں نے اپنی جانوں کا نذرانہ پیش کرکے سوات میں امن قائم کیا ہے جو تاریخ میں سنہری حروف سے لکھا جائیگا ، پاکستان تحریک انصاف کی صوبائی حکومت نے پولیس کو ہر قسم سیاسی مداخلت سے پاک کرکے اُن کو خود مختار بنایا ہے اور اس کے ساتھ صوبے کی پولیس کو ایک مثالی فورس بنانے اور شہداء کے خاندانوں کی فلاح و بہبودکیلئے عملی اقدامات بھی اُٹھائے ہیں ، ان خیالات کا اظہار انہوں نے پولیس لائن سوات میں پولیس شہداء کی یاد میں ایک پروقار تقریب سے بحیثیت مہمان خصوصی خطاب کرتے ہوئے کیا ،تقریب میں وزیراعلیٰ کے معاون خصوصی برائے لائیو سٹاک محب اللہ خان ، ریجنل پولیس افیسر ملاکنڈ ریجن آزاد خان ، ڈی سی سوات محمود اسلم وزیر ، ڈی پی او سوات محمد سلیم مروت اور دیگر پولیس اور سول افیسرز بھی موجود تھے ۔ صوبائی وزیر محمود خان نے کہا کہ پولیس جوانوں نے دیگر سیکورٹی اہلکاروں کے ہمراہ موثر آپریشن کرکے ضلع سوات میں مثالی امن قائم کر رکھا ہے انہوں نے کہا کہ پاکستان تحریک انصاف کی صوبائی حکومت نے صوبے کی پولیس کو ایک مثالی فورس بنانے اور شہداء کے خاندانوں کی فلاح و بہبود کیلئے عملی اقدامات اُٹھائے ہیں ، بعد ازاں صوبائی وزیر محمود خان ، وزیراعلیٰ کے معاون خصوصی محب اللہ خان ، ڈی آئی جی آزاد خان ، ڈی پی او نے یادگار شہداء پر پھول بھی چڑھائے اور شہداء کے بلند درجات کیلئے اجتماعی دُعا کی گئی ۔