ضلع کونسل عشریت نشست کے ووٹوں کی دوبارہ گنتی منگل کے روز ہوگی

Related Articles

مستقبل کو قدرتی آفات سے محفوظ نہیں بناسکتے ہیں اور کرہ ارض کی بقا ہی بڑے پیمانے پر پودے لگانے پر منحصر ہے ڈپٹی کمشنر لویر چترال محسن اقبال

2 hours ago

اسلام آباد میں دھرنا میں شرکت کے لئے جماعت اسلامی لویر چترال کا قافلہ مولانا جمشید احمد کی قیادت میں چترال شہر سے روان

4 hours ago

ایپکس کمیٹی کی نشست کا بنیادی مقصد حکومت خیبرپختونخوا اور دیگر اداروں بشمول پاک فوج اور پولیس کی دہشتگردی کے خاتمے اور صوبے میں امن قائم کرنے کی مشترکہ کوششوں کا احاطہ کرنا

15 hours ago

دروش(نامہ نگار) ضلع کونسل وارڈ عشریت کی نشست کے لئے ووٹوں کی دوبارہ گنتی منگل 10نومبر کو ہوگی۔ تفصیلات کے مطابق عشریت کے حلقے سے ضلع کونسل کیلئے حلقے سے منتخب جے یو آئی کے ممبر مولانا انعام الحق کی کامیابی کے حوالے سے مخالف امیدوارپیپلز پارٹی کے احسان اللہ نے الیکشن ٹریبونل سے رجوع کیا تھا ۔ انتخابی عذر داری میں موقف اختیار کی گئی تھی کہ اس حلقے کے مختلف پولنگ اسٹیشنوں میں ووٹوں کی دوبارہ گنتی کی جائے جس پر الیکشن ٹریبونل نے احسان اللہ کے موقف کو درست تسلیم کرتے ہوئے مذکورہ حلقے میں دوبارہ گنتی کا حکم جاری کیا جسکے خلاف مولانا انعام الحق نے دارالقضاء سوات سے حکم امتناعی لے لی ۔ گذشتہ روز دارا لقضاء نے حکم امتناعی کو مسترد کرتے ہوئے ووٹوں کے دوبارہ گنتی کے فیصلے کو برقرار رکھا۔ اس حوالے سے ریٹرننگ آفیسر اسسٹنٹ کمشنر دروش بشارت احمد نے ووٹوں کی دوبارہ گنتی کے لئے 10نومبر منگل کا دن مقرر کیا ہے۔ یاد رہے کہ اس حلقے سے جیتنے والے جمعیت علماء اسلام کے امیدوار مولانا انعام الحق اور پیپلز پارٹی کے احسان اللہ کے درمیان صرف 6ووٹوں کا فرق ہے۔اس حلقے کے نتائج مختلف ہونے سے چترال کی سیاسی صورتحال پر گہرے اثرات مرتب ہونے کی امید کی جارہی ہے ۔ واضح رہے اس وقت ضلع کونسل میں جمعیت علماء اسلام کے کل 12ممبران ہیں مگر یہ دو گروپوں میں بٹے ہوئے ہیں جبکہ پیپلز پارٹی کے چار ممبران موجودہیں۔ اگر یہ نشست پیپلز پارٹی کے حصے میں آئی تو پیپلز پارٹی کے جنرل نشستوں کی تعداد چار ہو جائے گی ۔